‘E dini se ku jetoj”, vritet afër shtëpisë reperi, çfarë shkroi pak para se të vdiste në rrjetet sociale
Nga OraNews Përditësimi i fundit 26 Korrik 2022, 16:29
Persona të panjohur vranë reperin amerikan Rollie Bands jashtë kompleksit të apartamenteve ku ai jetonte në Tampa, Florida, të premten e kaluar.
Sipas asaj që kanë raportuar mediat, pak minuta para se të vdiste reperi kishte sfiduar kritikët e tij që të “përballeshin” në shtëpinë e tij në një postim në Instagram,
“Shumë nga këta n**** e dinë se ku jetoj, ka shkruar reperi në llogarinë e tij në Instagram. Unë fle i qetë. Nëse dikush do, unë jam në krevatin tim për 5 minuta”, tha ai.
Rreth pesë minuta pasi u postua, reperi u qëllua në parkingun afër shtëpisë së tij.
Ai u dërgua me urgjencë në një spital lokal , por mjekët nuk mundën ta shpëtonin. Të dyshuarit, të cilët policia beson se e dinin dhe kishin në shënjestër reperin, u larguan me një automjet.
