RTV ORA zbardh 19 reformat që rëndojnë mbi Italinë pas dorëheqjes së Mario Draghit

Nga Alba Kepi Përditësimi i fundit 21 Korrik 2022, 14:42

Lëvizja 5 Yje është vënë në shënjestrën e politikës pro Draghiane si fajtorët e rrëzimit të qeverisë e të një kaosi institucional për Italinë në një moment të vështirë të situatës ndërkombëtare, europiane e të rrugëtimit të reformave shtetërore e një plani të rëndësishëm kombëtar që synon rimëkëmbjen e ekonomisë italiane, goditur fort nga emergjenca pandemike, sociale e ekonomike.

Preokupimet më të mëdha janë se kjo dorëheqje do të sjell pasoja shkatërrues për reformat e munguar që priteshin të realizoheshin deri në mbyllje të kësaj legjislature.

RTV ORA e Ora Neës, ka zbardhur dokumentin me 19 pika që sipas Luigi Di Maio, ministër i jashtëm në qeverinë Draghi e një nga ish eksponentët më të rëndësishëm të Lëvizjes 5 Yje do të rëndojnë mbi vendin e italianët.

1- Nuk do të arrihen objektivat e Planit të rimëkëmbjes e rilancimit të ekonomisë brenda këtij viti e që do të çoj në mungesën e marrjes së këstit të dytë nga BE prej 22 miliardë euro.

2- Nuk do të realizohet përcaktimi i një rroge minimale e punonjësit nuk do të ketë rritje rroge por do të vazhdojnë të marrin nën 9 euro në orë.

3- Nuk do të arrihet reduktimi i taksave për të ndihmuar sipërmarrjet.

4- Nuk mund të programohen investime për vitin e ardhshëm

5- Nuk mund të merren masa kundër çmimit të lartë të energjisë.

6- Nuk mund të luftohet rritja e karburantit

7- Nuk mund të kryhen marrëveshje të reja për gazin

8- Nuk mund të rinovohet bonusi i ndihmës prej 200 euro për familje

9- Nuk mund të vazhdohet puna për përcaktimin e një çatie maksimale në çmimin e gazit në BE.

10- Dobësohet Italia në tavolinat ndërkombëtare e në tela si pakti i Stabilitetit mes vende anëtare.

11- Nuk do të ketë reformë pensioni

12- Do të rriten taksat e kredive bankare

13- Nuk mund të kryhet reforma fiskale.

14- Do jetë e pamundur të luftohet inflacionit

15- Nuk mund të kryhen masa e reforma të jashtëzakonshme për të ndihmuar familjet e sipërmarrjet e goditura nga emergjenca pandemike

16- Nuk mund të kryhet reforma e enteve lokale e nevojshme për të ndihmuar kryetarët e bashkive e garantuar shërbimet primare ndaj qytetarëve.

17- Nuk mund të aprovohet Draft ligji mbi konkurrencën, i domosdoshëm për marrjen e fondeve të Planit të Rimëkëmbjes dhe rilancimit të ekonomisë.

18- Nuk mund të rifinancohet Superbonus.

19- Nuk mund të jetë e mundur të luftohet emergjenca e thatësirës.