"Një pluhur i bardhë i panjohur dhe gjymtyrë njerëzish", ja çfarë u gjet në vendin e rrëzimit të helikopterit në Greqi
Nga Ora News Përditësimi i fundit 17 Korrik 2022, 13:56
Rrëzimi i avionit në kavalla të Greqisë po kthehet në një thriller të vërtetë.
Ekipet e para speciale të zjarrfikëses që iu afruan zonës raportojnë se situata në vendngjarje paraqitej e rrezikshme, me një pluhur të bardhë të panjohur dhe nxehtësi e madhe.
Rënia e avionit dhe shpërthimi që ndodhi rezultoi në shpërbërjen e plotë të avionit dhe në vendngjarje u shpërndanë copa metalike, pllaka, ingranazhe e gjymtyrë njerëzish të kapura nga pamjet me dron.
Të gjithë personat që ndodheshin në bord ishin të gjithë ukrainas dhe raportohet të kenë vdekur.
Por pyetja kryesore që lind është nëse substanca e bardhë, e cila është zbuluar, është toksike dhe e rrezikshme për banorët e zonës. Deri më tani matjet nuk kanë treguar diçka të tillë.
Në një konferencë për shtyp të dhënë nga ministri i Mbrojtjes i Serbisë, Nebojsha Stefanoviq, ai foli për një avion të një kompanie private me interesa ukrainase, i cili mbante predha mortajash trajnuese të eksportuara nga një kompani private serbe me destinacion përfundimtar në Bangladesh.
Ministri serb i mbrojtjes tha gjithashtu se avioni i përkiste një kompanie ajrore ukrainase.
Për të zgjidhur misterin e pluhurit të bardhë, një kompani speciale e mbrojtjes bërthamore-kimike e ushtrisë, e cila përbëhet nga 14 persona, është nisur në vendngjarje, raportojnë mediat greke.
