Profesori indian kthen rrogën e dy viteve pasi studentët nuk u paraqiten kurrë në mësime
Nga OraNews Përditësimi i fundit 9 Korrik 2022, 12:00
Një profesor i dëshpëruar i një kolegji indian i ktheu pagën e dy viteve pasi asnjë student nuk u paraqit në klasat e tij.
Mediat lokale indiane raportuan se Lallan Kumar, një asistent profesor i gjuhës indiane në kolegjin Nitishwar në Muzaffarpur në shtetin indian verior të Biharit tha se nëse nuk ka njeri për të dhënë mësim, çfarë duhet rroga.
Profesor Kumar është zemërthyer që asnjë student nuk është paraqitur për klasat e tij dhe tani ka frikë nga "vdekja akademike" nëse nuk vendoset në një kolegj tjetër në shtet.
Raportet thanë se Kumar ktheu pagën me vlerë 23,80,000 Rs (25,108 £) në kolegj. Por as autoritetet e kolegjit nuk ia kanë pranuar rrogën mbrapsht dhe as nuk janë të gatshëm ta kuptojnë logjikën e tij.
Kolegji pohoi se pretendimet e Kumar ishin të rreme. Ata thanë se për shkak të pandemisë Covid mësimet nuk janë zhvilluar.
Kumar ka premtuar gjithashtu se ai do të "protestojë" nëse "kërkesa" e tij nuk plotësohet. Profesori i kolegjit gjithashtu ka pretenduar se emri i tij ishte lënë jashtë listës së transferimeve disa herë.
Manoj Kumar, drejtor i kolegjit, ndërkohë, tha se pretendimi i Kumar se asnjë student nuk u paraqit në mësimet e tij nuk ka asnjë bazë.
“Për dy vjet, mësimet u ndërprenë për shkak të pandemisë së koronavirusit,” tha ai. Drejtori tha gjithashtu se Kumar duhej të më kishte thënë drejtpërdrejt nëse donte një transferim.
