Japoni/ Dalin pamjet nga momenti i atentatit të ish-kryeministrit (Video)

Nga Ora News Përditësimi i fundit 8 Korrik 2022, 09:23

Në rrjetet sociale po qarkullon një video që tregon momentin e plagosjes së ish-kryeministrit. Në video dëgjohen dy të shtëna të forta të shoqëruara nga tym.

Ish-kryeminitsri i Japonisë po lufton me jetën në spital teksa ka mbetur i plagosur mbrëmjen e djeshme me dy pluma gjatë një fjalimi.

Vëllai më i vogël i Shinzo Abe ka deklaruar për gazetarët në Tokio se ish-kryeministri aktualisht po merr transfuzion gjaku në spital dhe se po bëhen përpjekje për t'i shpëtuar jetën.

Nobuo Kishi, i cili shërben si ministër i mbrojtjes në qeverinë japoneze, shton se pavarësisht nga motivet e sulmuesit, sulmi është një akt i pafalshëm.

Zyrtarët më herët thanë se Abe u qëllua në qafë dhe gjoks dhe kishte pasur gjakderdhje të konsiderueshme të brendshme.