Mbi 3500 protestues nisen nga Shkodra dhe Durrësi, policia kontrolle në hyrje të Tiranës
Nga OraNews Përditësimi i fundit 7 Korrik 2022, 17:38
Ndërsa për rreth 2 orë nis protesta e opozitës para kryeministrisë, nisen drejt Tiranës mbështetësit e PD Shkodër.
Një pjesë e mirë e tyre po nisen me makina private, ndërsa janë organizuar edhe autobusë.
Nga nisja në sheshin përpara teatrit Migjeni, ka qene i pranishëm edhe kryetari bashkisë Bardh Spahia dhe kreu i PD Gjenarin Kapçari.
Ndërkohë, mësohet se pjesëmarrja do të jetë rreth 1 mijë protestuesë sipas degës së PD-së Shkodër.
Ndërkohë, nga qyteti i Durresit, sipas kontaktit telefonik me kreun e PD-së Igli Cara janë nisur rreth 2500 banorë.
Këta protestues kryesisht janë nisur me mjetet e veta, por edhe me mjete të linjave urbane që janë nisur në grup.
Nga ana tjetër Cara thekson se Policia e Shtetit po bllokon makinat e tyre më hyrje të Tiranës dhe kjo ka krijuar trafik të madh.
Bllokimi po bëhet nën pretekstin e kontrolleve të dokumenteve.
