Dita e bjeshkëve/ Qindra qytetarë festojnë në Malet e Bushtricës
Nga OraNews Përditësimi i fundit 4 Korrik 2022, 11:09
Në Bushtricë të Kukësit u festua dita e bjeshkëve. Qindra vendas por edhe tyristë festuar për orë të tëra ndërsa vetë banorët thanë se bjeshkët për ta janë shumë të rëndësishme, sepse gjithçka në jetën e tyre lidhet pikërisht me bjeshkët.
Qindra banorë të Kukësit, fshatrave përreth por edhe turistë iu bashkuan festës së Bjeshkëve në Bushtricë.
Vendasit thonë se mezi e presin këtë festë, që për ta simbolizon zhvillimin e zonave malore.
"Çdo gjë në zonat tona është e lidhur me bjeshkët. Bjeshkët janë gjëja më primare që lidhet pikë së pari me jetesën."
Ata që kanë lënë fshatin, u rikthyen atje për të festuar.
"Mblidhen ëdhe nga Tirana bashkëfshatarët tanë që kanë ikur ka disa vite."
"Ne vijmë nga Tirana, kemi zgjedh me ardh këtu sepse është një perlë e natyrës."
Gatimet tradicionale të zonës, dhe muzika shoqëroi për orë të tëra këtë aktivitet.
"Unë pres dhe përcjell turista nga gjitha vendet e BE dhe nga Amerika e largët."
"Jeta e të parëve tonë lidhet më këtë bjeshkë."
Turizmi malor sipas vetë banorëve po merr një tjetër zhvillim vitet e fundit, si nga turistët vendas por edhe të huaj.
"Vijnë shpesh, na pëlqen gjithçka, natyra."
Dita e Bjeshkëve, për të tretin vit me radhë është kthyer në një aktivitete të rëndësishme për sa i përketë turzimit malor që ofronë Kukësi.
