Shisnin kokainë të ndarë në doza në zona të ndryshme të Tiranës, arrestohen dy të rinjtë
Nga OraNews Përditësimi i fundit 4 Korrik 2022, 10:01
Dy të rinj që shisnin lëndë narkotike të ndarë në doza në zona të ndryshme të Tiranës kanë rënë në prangat e policisë.
Të arrestuarit janë 21 vjeçari me inicialet E. B., dhe 24 vjeçari H. C., të dy banues në Tiranë. Kapja e tyre u bë e mundur falë operacionit policor të koduar "Stacioni i fundit".
Në rrugën "Isuf Elezi", policia ka lokalizuar automjetin ku ndodheshin dy të rinjtë.
"21 vjeçarit gjatë kontrollit fizik, iu gjet dhe iu sekuestrua, në cilësinë e provës materiale, sasi lënde e dyshuar narkotike kokainë, e ndarë në doza, gati për shitje. Sipas verifikimeve të kryera ka rezultuar se lënda narkotike i përkiste shtetasit 24 vjeçarit dhe se 24 vjeçari do kryente transportin e saj", njofton policia.
Vijon puna për dokumentimin e plotë ligjor të veprimtarive kriminale të kryera nga këta shtetas.
Materialet i kaluan Prokurorisë, për veprime të mëtejshme procedurale.
