Japoni/ Një në katër kompani kanë punëtorë mbi 70 vjeç

Nga Ora News Përditësimi i fundit 4 Korrik 2022, 07:41

Në Japoni, më shumë se një në katër kompani lejojnë punonjësit e saj të punojnë mbi moshën 70 vjeç. 

Vendimi për të mos dalë në pension stafi i vjetër, nuk është rezultat i një strategjie të korporatës, përkundrazi është pasojë e mungesës gjithnjë e më alarmante të stafit të ri. Ky është një trend që është konsoliduar ndër vite për shkak të rënies së lindjeve në vend, duke filluar që nga shpërthimi i pas Luftës së Dytë Botërore e deri më sot. 

KETU LAJMET MINUTE PAS MINUTE

Nga 230,000 kompanitë japoneze të anketuara, të gjitha me më shumë se 21 punonjës që nga qershori i vitit të kaluar, 25.6% thanë se kishin sisteme për të lejuar punonjësit e tyre të punojnë përtej moshës 70 vjeç. 

Nga ana tjetër, 20% e kompanive të anketuara thanë se nuk zbatojnë udhëzime strikte për punonjësit, të cilët mund të zgjedhin në mënyrë të pavarur për të vazhduar aktivitetin e tyre të punës edhe pasi të kenë mbushur moshën e pensionit. 

4% hoqi çdo detyrim zgjedhjeje, p.sh 2%, prej tyre, rriti kufijtë e moshës para daljes në pension. Edhe nga pikëpamja juridike, ato që sapo përshkruhen konsiderohen si operacione krejtësisht të ligjshme. Në të vërtetë, një ligj u miratua në prill të 2021 që u kërkon kompanive të bëjnë cfarë të munden për të mbajtur punonjësit të paktën deri në moshën 70 vjeç. Pesë vite më shumë se mosha e daljes në pension në vend, e vendosur në 65 vjeç.

Sipas hulumtimit të Institutit Kombëtar të Popullsisë dhe Sigurimeve Shoqërore, deri në vitin 2053 japonezët do të jenë më pak se 100 milionë, krahasuar me rreth 125 milionë në vitin 2021.

 Krahas uljes së lindshmërisë, rritet rritja e moshës mesatare të qytetarëve: të moshuarit do të përbëjnë 30% e totalit të popullsisë në vitin 2025, dhe 35.3% në vitin 2040. Sipas të dhënave të Organizatës Botërore të Shëndetësisë, Japonia gëzon jetëgjatësinë më të lartë në botë, e barabartë me 84.3 vjet, tre vite më shumë se mesatarja e OECD. 

Në Itali, e cila gjithashtu renditet e katërta në renditjen e vendeve të OECD-së, jetëgjatësia mesatare nuk i kalon 82.8 vjet.