Putin: Udhëheqësit perëndimorë, përfshirë Johnson, do të dukeshin të neveritshëm pa rroba
Nga OraNews Përditësimi i fundit 30 Qershor 2022, 19:32
Vladimir Putin ka reaguar ndaj kryeministrit britanik Boris Johnson dhe liderëve të tjerë perëndimorë, të cilët talleshin me bëmat e tij pa rroba, duke thënë se ata do të dukeshin "të neveritshëm" nëse do të përpiqeshin ta kopjonin atë.
Në fillim të kësaj jave, Johnson bëri shaka se liderët e G7 mund të heqin rrobat e tyre për të treguar se janë më të ashpër se Putini mes tensioneve Rusi-Perëndim lidhur me aksionin ushtarak të Moskës në Ukrainë.
Kryeministri kanadez Justin Trudeau e ngacmoi gjithashtu presidentin rus duke pretenduar se liderët perëndimorë mund të përpiqen ta dalin me bustin zhveshur në një shfaqje kalërimi me gjoks të zhveshur, një nga aventurat sportive të Putinit.
Megjithatë, shakaja duket se i ka shkuar në vesh liderit rus. Ai u pyet për komentin gjatë një vizite në Turkmenistan dhe tha se liderët perëndimorë pinin shumë.
Duke folur me gazetarët, Putin tha se, ndryshe nga ai, liderët perëndimorë abuzojnë me alkoolin dhe nuk bëjnë mjaftueshëm aktivitete sportive.
“Nuk e di se si kanë dashur të zhvishen, sipër apo poshtë belit,” tha ai. "Por unë mendoj se do të ishte një pamje e neveritshme në çdo rast."
Ai vuri në dukje se për t'u dukur mirë është e nevojshme të ndalohet abuzimin me alkoolin dhe zakonet e tjera të këqija dhe të bëhen ushtrime fizike.
