Francë/ Mësuesja kërcënohet me vdekje pasi i kërkoi nxënëses të hiqte mbulesën e fytyrës
Nga Ora News Përditësimi i fundit 22 Qershor 2022, 14:34
Një mësuese në Paris është kërcënuar me vdekje dhe u akuzua për islamofobi, pasi i kërkoi një nxënësje të hiqte mbulesën e fytyrës, siç parashtrohet dhe në ligjin francez.
Mësuesja u sulmua në rrjetet sociale pas sherrit me gjimnazisten, e cila dyshohet se kishte refuzuar të hiqte vellon për të dhënë provimin e diplomës në shkollën e mesme Charlemagne në Paris të enjten.
Nxënësja thuhet se e kishte hequr përfundimisht shaminë pas një debati 'të tensionuar' me mësuesen përpara se ajo të hynte në sallën e provimit.
Zyra e prokurorit të Parisit tha se po hetonte kërcënimet me vdekje të bëra ndaj mësuesit.
Sherri është postuar nga një prej miqve të studentit në Twitter. Përdoruesi e akuzoi mësuesen se ishte 'islamofobike' dhe menjëherë pas kësaj, ajo mori kërcënime me vdekje.
Në vitin 2004, Franca ndaloi mbajtjen e 'simboleve të dukshme fetare' duke përfshirë mbulesën e fytyrës myslimane, në shkolla, raporton Mail Online.
