Përmbytje katastrofikle në Indi e Bangladesh, shkon në 100 numri i të vdekurve
Nga Ora News Përditësimi i fundit 22 Qershor 2022, 11:01
Miliona njerëz në të gjithë Indinë dhe Bangladeshin janë prekur nga përmbytjet e furishme dhe rrëshqitjet e dheut që lanë më shumë se 100 njerëz të vdekur dhe komunitete të tëra të shkatërruara.
Kombet e Azisë Jugore, me nëj popullsi prej 1.3 miliardë banorësh, janë goditur keq nga shirat, duke shkaktuar disa nga përmbytjet më të rënda në rajon ndër vite, pasi ngjarjet ekstreme të motit bëhen gjithnjë e më të shpeshta për shkak të krizës klimatike.
Në Indi, të paktën 48 njerëz kanë vdekur që nga 14 qershori, pasi shirat e dendur goditën shtetin verilindor të Assam-it, duke shkaktuar rrëshqitje të dheut dhe duke sjhellë fryrjen e brigjeve të lumenjve.
Më shumë se 5.5 milionë njerëz janë prekur vetëm në shtet.
Kryeministrja e Assam-it, Himanta Bisëa Sarma, të martën vizitoi një nga 1,687 kampet e ndihmës, ku strehohen më shumë se 260,000 njerëz të zhvendosur në shtet.
"Qeveria jonë së shpejti do të hapë një portal për njerëzit e prekur për të regjistruar humbjen e bagëtive dhe dëmet e tjera të shkaktuara nga përmbytjet”, shkroi ai në Tëitter. Një paketë e ndihmës për përmbytjet do të shpallet së shpejti.
Në shtetin e afërt të Meghalaya, të paktën 25 persona kanë vdekur që nga 9 qershori, me 11 të zhdukur dhe 22 të tjerë të plagosur, sipas zyrtarëve shtetërorë.
Videoja e transmetuar në televizionin lokal tregoi njerëz në qytetet e prekura që zhyten thellë në ujë me baltë dhe rrugë të kthyera në lumenj, me automjete të zhytura nën ujë.
