Japoni/ Gjyshi me alzajmer vret mbesën, por nuk e mban mend
Nga Ora News Përditësimi i fundit 13 Qershor 2022, 11:09
Filloi si një debat familjar dhe përfundoi në tragjedi. Një vajzë adoleshente është goditur me thikë për vdekje nga gjyshi i saj i moshuar duke tronditur të gjithë Japoninë.
Në një gjykatë në Japoninë perëndimore muajin e kaluar, Susumu Tomizawa, 88 vjeç, pranoi se kishte vrarë mbesën e tij Tomomi, 16 vjeçe, gati dy vjet më parë, por, ai tha se nuk e mbante mend ta ketë bërë këtë.
Tomizawa vuan nga alzheimer, një çrregullim neurologjik që shkatërron neuronet dhe zvogëlon rajonet e trurit.
Në gjykatë, avokatët e tij argumentuan se ai nuk duhet të mbahet penalisht përgjegjës sepse sëmundja e tij shkakton çrregullime të sjelljes të pakontrolluara, një gjendje kjo e shënuar nga defiçite të shumta njohëse si humbja e kujtesës.
“Ai nuk ishte i vetëdijshëm në ato momente nga sëmundja e tij dhe konsumimi”, thanë ata.
Por gjykata në qytetin Fukui nuk u pajtua me argumentimet dhe në 31 maj u dënua me katër vjet e gjysmë burg për vrasje.
Rasti tronditi shumë njerëz në Japoni, një komb i moshuar ku numri i pacientëve të moshuar me demencë po rritet.
Gjyqi, i transmetuar drejtpërdrejt nga gjykata, u ndoq nga afër dhe tërhoqi simpatinë nga shumë njerëz që shprehën keqardhje për Tomizawa dhe humbjen e familjes së Tomomit.
