Përleshje në Nigeri: Turma djeg për vdekje një burrë për shkak të grindjes me klerikun mysliman
Nga OraNews Përditësimi i fundit 5 Qershor 2022, 07:25
Policia nigeriane thotë se një burrë që pati një grindje me një klerik mysliman vdiq në kryeqytetin, Abuja, pasi u dogj nga një turmë që mbështeste klerikun.
30-vjeçari, Ahmad Usman, ishte në një grup lokal vigjilent dhe policia thotë se rreth 200 njerëz u mobilizuan kundër tij.
Muajin e kaluar, një studente e krishterë u rrah për vdekje dhe u dogj nga studentë myslimanë të cilët e akuzuan atë për blasfemi në qytetin e Sokotos.
Policia e gjeti në vendngjarje me djegie të rënda dhe e dërgoi në spital, por nga plagët e marra ka ndërruar jetë.
Dy javë më parë, të paktën pesë persona u vranë në përleshjet e dhunshme midis operatorëve komercialë të motoçikletave dhe tregtarëve në një periferi të Abuja.
Disa ditë më parë, dhuna e turmës çoi në vdekjen e një inxhinieri 38-vjeçar të zërit në qendrën tregtare të vendit, Lagos.
Aktivistët e të drejtave të njeriut thonë se rastet e shpeshta të dhunës nga turma janë nxitur nga mosndëshkimi i rrënjosur thellë dhe mungesa e besimit në sistemin e drejtësisë penale.
