Grupi i vajzave u hedh acid në fytyrë dhe trup dy motrave në Napoli
Nga OraNews Përditësimi i fundit 30 Maj 2022, 17:07
Dy motra 24 dhe 17 vjeç janë djegur me acid gjatë natës në Napoli.
Pak pas orës një ato kanë qenë në rrugë kur u janë afruar vajza të tjera të cilat pa ndonjë arsye të dukshme u hodhën acid dhe më pas u larguan me tre skutera.
Viktimat e agresionit, janë shtruar në Cardarelli për djegie në fytyrë dhe krah.
Ato janë mirë dhe do të dëgjohen të dëshmojnë në komisariat në orët në vijim.
Policia po punon për rindërtimin e ngjarjes. Hipoteza më e mundshme për momentin është se ishte një hakmarrje mes të rinjve.
Motra e madhe ka pësuar djegie në faqen e majtë dhe krahun e majtë, ndërsa motra e vogël ka pësuar djegie në faqen e djathtë dhe në hundë.
Hetimet, të paktën për momentin, duket se nuk mund të shfrytëzojnë pamjet e sistemeve të vëzhgimit me video, duke pasur parasysh zonën ku ka ndodhur ngjarja.
