Aksident i rëndë në aksin Lezhë-Shkodër, 1 i vdekur dhe disa të plagosur
Nga OraNews Përditësimi i fundit 22 Maj 2022, 20:25
Një aksident i rëndë raportohet të ketë ndodhur mbrëmjen e sotme në aksin Lezhë-Shkodër.
Mësohet se deri më tani si pasojë e aksidentit një person ka mbetur i vdekur dhe kanë mbetur të plagosur 3 persona të tjerë.
"Rreth orës 20:00, në aksin rrugor Shkodër - Lezhë, në vendin e quajtur "Dajç", shtetasja F.B. 20 vjeçe, banuese në Shkodër, duke drejtuar automjetin tip "Renault", ka humbur kontrollin mbi drejtimin e tij duke dalë nga rruga. Për pasojë, ka ndërruar jetë shtetasi I.K. 73 vjeç, pasagjer në mjet, si dhe janë lënduar dhe ndodhen në Spitalin Rajonal Lezhë për mjekim edhe 3 pasagjerët e tjerë, shtetasit A.B. 53 vjeç, A.B. 43 vjeçe dhe O.B.19 vjeçe." - njofton policia.
Grupi hetimor vazhdon veprimet hetimore në vendin e ngjarjes për sqarimin e plotë të rrethanave të aksidentit.
