Qiri djeg banesën në Memaliaj, zjarrfikësit shpëtojnë 4 anëtarët e familjes, një plagoset

Një banesë është shkrumbuar nga zjarri mbrëmjen e sotme në lagjen 5 të Memaliaj. Banesa është në pronësi të Fatmir Shehut.

Shërbimet zjarrfikëse kanë bërë të mundur shpëtimin e katër pjesëtarëve të familjes Shehu, njëri prej të cilëve ka pësuar djegie të lehta.

Të katërt janë shoqëruar në Spitalin e Tepelenës për ndihmë mjekësore.

Sipas grupit hetimor, zjarri në banesë është provokuar nga një qiri i ndezur në dhomën e gjumit nga një pjesëtar i familjes.

Kryefamiljari i familjes Shehu ka humbur gjurmët disa kohë më parë ndërkohe që katër pjestarët e mbetur kanë probleme të shëndetit mendor.

Fatmirësisht ata shpëtuan por prej mbrëmjes së sotme mbeten në qiell të hapur.