Ankandi pranveror me Richter, Bacon dhe Rothko. Priten shitje miliarda dollarëshe
Nga Besmira Pelushaj Përditësimi i fundit 7 Maj 2022, 13:40
Shtëpia e Ankandeve “Sotheby's” në New York ka zbuluar koleksionin e shitjeve pranverore me artistë si Richter, Bacon dhe Rothko. Kryetarja e Shitjeve për Artet e Bukura Globale, Brooke Lampley tha se presin që të jetë një javë tjetër shitje miliarda dollarëshe.
"Ne jemi të kënaqur të zbulojmë serinë tonë të shitjeve të majit. Vendosëm një rekord në historinë e Sotheby's sezonin e kaluar në nëntor, duke shitur mbi 1.3 miliardë dollarë art në një javë. Vlerësimi para shitjes për këtë javë është shumë i ngjashëm me sezonin e kaluar, dhe ne presim që të jetë një javë tjetër shitje miliarda dollarëshe, tha ajo.
Po çfarë do të ofrojë ky ankand maji për të apasionuarit e artit në shitje?
"Ka kaq shumë pika kryesore: gjithçka duke filluar nga ky peizazh i mrekullueshëm detar, i cili është një nga pjesët kryesore të koleksionit Macklow. Ne do të shesim pjesën e dytë të Macklow këtë sezon. Ka gjithashtu një Rothko të mrekullueshëm dhe vepra të tjera nga Agnes Martin, Sigmar Polke, Alberto Giacomett", ka thënë Lampley
Tregu i artit ka qenë jashtëzakonisht elastik gjatë pandemisë. Njerëzit donin të ishin të sigurt nëse ishte një kohë e mirë për të shitur veprat e tyre ndaj shumë zgjodhën të prisnin.
