Shkodër, 5 Maji "skuqet" dhe "nxihet". Homazhet mes tymit të djegies së gomave
Nga Bepin Kolvata Përditësimi i fundit 5 Maj 2022, 15:55
Dëshmorët e Atdheut në Shkodër u përkujtuan mes tymit të të zi të djegies së mbetjeve urbane.
Kur socialistët dhe prefektja e Shkodrës, Majlinda Angoni, përkuleshin dhe parakalonin tek Varrezat e Dëshmorëve, në sfond digjeshin goma e mbeturina.
Që situata të mos përshkallëzohej u kërkua ndërhyrja e shërbimit zjarrfikës për shuarjen e flakëve.
"Na nis një zjarrfikëse te Varrezat e Dëshmorëve se kanë ndezur ca goma."
Prefektja Angoni bëri përgjegjese Bashkinë dhe institucionet mjedisore në varësi të pushtetit qëndror.
"Është përgjegjësi e pushtetit vendor, është përgjegjësi dhe e jona për të marrë masat. Është shumë shqetësuese."
Skandali me djegien e mbetjeve është prezent në Shkodër prej vitesh dhe përtej paralajmërimeve të qeverisë Rama për pastrimin dhe mirëmbajtjen e mjedisit, sërish situata në shumë zona mbetet kritike.
Ndotja është sfida përballë të cilës duket se institucionet vendore e qëndrore kanë dështuar sëbashku.
