PS: Jo një president nga opozita
Nga Fjorela Beleshi Përditësimi i fundit 5 Maj 2022, 14:24
Për të zgjedhur Presidentin e ri të Republikës, socialistët po kujdesen që të mos rrezikojnë me afatet proceduriale që të mos kenë përplasje në Kushtetuese dhe përjashtimin e Sali Berishës nga ky proces.
Ndërsa PD është e përçarë në qëndrime, grupi negociator i mazhorancës i ka të qarta udhëzimet e kryetarit të saj se si dhe për çfarë do të negociojë me opozitën.
Sekretari i Përgjithshëm i selisë rozë Damian Gjiknuri është e i bindur që të paktën PD do të japë kontributin e saj për profilin e Kreut të ri të Shtetit.
Damian Gjiknuri: Besoj se do të ulemi në tryezë për të diskutuar profilin e kandidatit më të përshtatshëm për president. Jam i bindur se dhe opozita do të kontribuojë në këtë drejtim”
Kreu i grupit të PS nuk e mbështet kryeministrin Rama që mazhoranca të japë votën për një President nga opozita.
Taulant Balla: "Një president nga opozita si Ilir Meta ishte zgjedhja më e gabuar. Mjaftojnë dhe 71 vota nëse nuk ka konsensus.
Damian Gjiknuri: Nëse nuk gjen konsensus jam e bindur se PS do të ofrojë një kandidaturë shumë të denjë për postin e kreut të shtetit”
PS rezervohet të publikojë listën e propozimeve më të votuar nga deputetët e saj, por Gjiknuri nuk e përjashton mundësinë që në raundin e parë të ezaurohet edhe pa emra.
Deri me 15 maji kanidatët për kreun e shtetit do të duhet të dorëzohen në Parlament me firmat e jo më pak se 20 deputetëtve. Në raundin e parë që pritet të zhvillohet me 16 maji një kandidaturë do të duhet të marrë 84 vota.
