Tom Cruise zbarkon me helikopter në premierën botërore në San Diego
Nga Ora News Përditësimi i fundit 5 Maj 2022, 11:25
36 vjet pas filmit origjinal, aktori Tom Cruise ka zbuluar vazhdimin e shumëpritur të "Top Gun" në premierën që u mbajt në një pistë avionësh në San Diego. Ylli i hollivudit zbarkoi me helikopter në tapetin e kuq dhe duke bërë shaka me gazetarët u shpreh se ndonjëherë është “i ngadalshëm”…
"Ndjenja e romancës, ndjenja e aventurës, ka një botë në të cilën dëshiron të jesh. Natyrisht, ka gjithmonë diçka në lidhje me aviacionin. Kultura në këtë botë është shumë unike... dhe është vërtet interesante që njerëzit thjesht mund të lidhen me miqësitë”, tha ai.
Në filmin e tij të ri, që do të dalë në kinematë amerikane më 27 maj, piloti Maverick, i interpretuar nga 59-vjeçari Cruise, kthehet në shkollën elitare të armëve luftarake "Top Gun" të Marinës, për të trajnuar grupin e fundit të aviatorëve të rinj. Filmi hapet me një sekuencë nostalgjike të rikthimit të vendosur në një pistë avionësh.
“Gjithmonë e dija se kështu doja ta hapja filmin, që në fillim, vetëm për të lejuar audiencën të përfshihet 'do të marrësh atë që dëshiron’, ka thënë ai.
Në "Top Gun: Maverick", pilotet femra luftarake i janë bashkuar skuadës elitare, duke përfshirë Monica Barbaros.
"Unë kam mësuar nga disa aviatore të pabesueshme femra," tha Barbaro, e cila së bashku me yjet e tjerë iu nënshtruan trajnimeve nga pilotët e marinës amerikane.
Regjisori Joseph Kosinski tha se filmi shmang efektet e gjeneruara nga kompjuteri dhe se aktorët janë filmuar brenda kabinave të avionëve luftarakë.
Shikoni videon.
