Pas heqjes së masave anti-Covid, fluks hyrje-daljesh në pikat kufitare
Nga Iris Rezhda Përditësimi i fundit 1 Maj 2022, 13:08
Masat anti-Covid nuk janë më kusht për të hyrë në Shqipëri.
Nga toka, deti apo ajri mund të kalohet pa certifikatën e vaksinimit apo tamponin negativ.
E pikërisht heqja e tyre përkon me ditë pushimesh e festash.
Në pikën kufitare të Morinës janë krijuar radhë të gjata teksa policia po zbaton proceduren e pershpejtuar për të reduktuar fluksin.
Numri i hyrje-daljeve është shtuar në të gjitha pikat e kalimit kufitar në juglindje të vendit.
Gjatë 24 orëve të fundit në pikën e kalimit kufitar të Kapshticës kanë hyre e kanë dalë 5342 shtetas, ndërkohë që numri ka qenë i lartë edhe në pikën e kalimit kufitar në Qafë Thanë me 6930 shtetas.
Shqiptarët e Kosovës shprehen shumë optimistë për lehtësimin e masave.
Ndërkohë Kosova ende vazhdon me procedurat kufizuese, duke kërkuar certifikatë vaksinimi apo teste Covid-19.
