Manchester City, Walker kapet “mat” në një hotel
Nga OraNews Përditësimi i fundit 20 Prill 2022, 12:12
Kyle Walker në qëndër të vëmendjes së tabloideve dhe jo për shkak të futbollit që luan por të gjesteve jashtë fushës së blertë. Mbrojtësi i Manchester City u identifikua nga disa tifozë teksa po urinonte në pjesën e jashtme të një hoteli.
Dëshmitarët rrëfejnë gjithashtu se pasi i vuri re, mbrojtësi vendosi menjëherë kapuçin në kokë dhe u largua me shpejtësi. Edhe pse bëhet fjalë për tifozë të Manchester United që është skuadra e urryer e Manchester City, dëshmitarët theksojnë se e identifikuan lojtarin nga tatuazhet në këmbë.
Ngjarja ndodhi rreth orës 15:30 në hotelin “The Bridge” ditën e ndeshjes së FA Cup që Manchester City e humbi 3-2 ndaj Liverpool por vetë Walker nuk u bashkua me skuadrën për shkak të një dëmtimi.
