Flet nëna e një marinari: 40 të vdekur në anijen e mbytur Moskva
Nga OraNews Përditësimi i fundit 18 Prill 2022, 00:09
Rreth 40 marinarë janë vrarë, disa janë të zhdukur dhe shumë të tjerë u plagosën në fundosjen e anijes luftarake Moskva, raporton gazeta e pavarur ruse Novaya Gazeta Europe duke cituar nënën e një marinari që besohet se ishte në bord.
Nëna tha se djali i saj i kishte komunikuar në telefon se Moskva,anija kryesore e flotës ruse të Detit të Zi, ishte goditur nga tre raketa nga toka, nga territori ukrainas.
"Ai më thirri dhe po qante për shkak të asaj që kishte parë. Ishte e frikshme", tha ajo, duke shtuar se vetë ishte e tmerruar se duhej të priste që ai të përfundonte shërbimin.
Ai tha se nuk do t'i jepte asaj detajet e asaj që kishte parë sepse ishte shumë e tmerrshme, duke shtuar se shumë nga të plagosurit kishin humbur gjymtyrët për shkak të shpërthimeve.
Gazeta nuk përmendi emrin e marinarit apo nënës së tij për t'i mbrojtur ata, por shkruan se ka prova dokumentare që e bëjnë të besueshme se marinari po shërbente në Moskva.
Ministria ruse e Mbrojtjes deri më tani nuk ka dhënë asnjë prononcim për viktima gjatë fundosjes së anijes, Megjithatë, më herët ne raportuam se Radio Liberty kishte konfirmuar vdekjen e ndërmjetësit Ivan Vakhrushev.
Ndërkohë ministria postoi të shtunën video për të cilën thotë se marinarët e anijes ishin takuar se komandantin e Marinës Ruse në Sevastopol.
Rusia fajëson zjarrin në bordin e anijes dhe motin me stuhi si shkaqet e mbytjes, ndërsa Ukraina thotë se e goditi me dy raketa.
