Dëshmi tronditëse nga Ukraina: Ushtarët rusë më përdhunuan dhe më vranë burrin
Nga OraNews Përditësimi i fundit 12 Prill 2022, 09:30
Rusët janë tërhequr nga zonat përreth Kievit, por ata kanë lënë trauma te banorët që ndoshta nuk do të mund të shlyhen kurrë. BBC ka dëgjuar dëshmi nga viktima të dhunës seksuale dhe ka gjetur prova të përdhunimit të grave ukrainase nga ushtarët pushtues.
Në një lagje të qetë, rurale 70 km në perëndim të Kievit, BBC ka folur me Anën, e cila është 50-vjeçe të cilës ia kanë ndryshuar emrin për t'ia ruajtur identitetin.
Më 7 mars, Anna tregon se ishte në shtëpi me burrin e saj kur hyri një ushtar i huaj.
“Në kërcënimin e armës më çoi në një shtëpi aty pranë. Më urdhëroi: Hiqi rrobat ose të qëlloj. Ai vazhdoi të më kërcënonte se do të më vriste nëse nuk bëja siç thoshte ai. Më pas filloi të më përdhunonte”, ka rrëfyer ajo për BBC.
Anna e përshkroi sulmuesin e saj si një luftëtar të ri, të dobët, çeçen, aleat me Rusinë.
"Ndërsa ai po më përdhunonte, hynë edhe katër ushtarë të tjerë. Mendova se kisha mbaruar. Por ata e morën. Nuk e pashë më", tha ajo.
Ajo beson se u shpëtua nga një njësi e veçantë e ushtarëve rusë.
Ana u kthye në shtëpi dhe gjeti burrin e saj të plagosur me një plumb në bark.
“Ai kishte tentuar të vraponte pas meje për të më shpëtuar, por u godit nga një plumb”, tha ajo.
Të dy kërkuan strehim në shtëpinë e një fqinji. Ata nuk mund ta çonin burrin e saj në spital për shkak të luftimeve. Ai vdiq nga plagët e marra dy ditë më vonë.
Anna nuk pushoi së qari ndërsa tregonte historinë e saj. Ajo tregoi se ku bashkë dhe fqinjët e saj e varrosën burrin e saj në oborrin e shtëpisë së tyre.
Një kryq i gjatë prej druri qëndron në krye të varrit. Anna na tha se është në kontakt me spitalin lokal dhe po merr mbështetje psikologjike.
Anna ka varrosur burrin e saj në oborr
Ushtarët që e shpëtuan qëndruan në shtëpinë e saj për disa ditë. Ajo thotë se do t'i drejtonin armën dhe do t'i kërkonin asaj t'u jepte gjërat e burrit të saj.
"Kur ata u larguan, unë gjeta drogë dhe viagra. Ata këndonin dhe shpesh ishin të dehur. Shumica prej tyre janë vrasës, përdhunues dhe grabitës. Vetëm disa janë në rregullt," tha ajo.
Rrugës nga shtëpia e Anës, dëgjuam një histori tjetër rrëqethëse.
Një grua dyshohet se është përdhunuar dhe vrarë, dhe fqinjët thonë se kjo është bërë nga i njëjti burrë që përdhunoi Anën, para se të shkonte në shtëpinë e Anës.
Gruaja ishte rreth të 40-tave. Ajo u nxor nga shtëpia e saj, thonë fqinjët, dhe u mbajt në dhomën e gjumit të një shtëpie aty pranë, banorët e së cilës ishin evakuuar kur filloi lufta. Dhoma e dekoruar mirë, me letër-muri të zbukuruar dhe një shtrat me një krevatë të artë, tani është një skenë shqetësuese krimi. Ka njolla të mëdha gjaku në dyshek dhe jorgan.
Në një cep është një pasqyrë e cila ka një shënim të shkruar me buzëkuq - "Torturuar nga njerëz të panjohur, varrosur nga ushtarë rusë", thuhet në të.
Mesazhi i shkruar në pasqyrë nga ushtarët rusë
