Arrestohet në Elbasan korçari i dënuar për shfrytëzim prostitucioni
Nga OraNews Përditësimi i fundit 10 Prill 2022, 13:52
Policia e Elbasanit ka arrestuar një 46-vjeçar, në kërkim për shfrytëzim prostitucioni.
Falë shkëmbimit të informacionit me strukturat e DVP Korçë, është kapur shtetasi Kristjan (Aurel) Spahi, 46 vjeç, banues në Korçë.
Ky shtetas ishte shpallur në kërkim, pasi Gjykata e Apelit Korçë, më datë 3 korrik 2009, e ka dënuar me 9 vjet burgim, për veprën penale “Shfrytëzimi i prostitucionit”, nga të cilat i kanë mbetur për të vuajtur dhe 7 vjet e 8 muaj burgim.
Ky shtetas i ka kaluar strukturave të DVP Korçë, për veprime të mëtejshme.
