Eriksen-Conte, gati akti i dytë. Fantazisti pranë rikthimit te Tottenham
Nga OraNews Përditësimi i fundit 7 Prill 2022, 16:39
Nuk ka më asnjë hezitim drejt Christian Eriksen. Mesfushori danez jo vetëm që ka rigjetur formën por po shkëlqen me gola si me Brentford ashtu dhe me kombëtaren.
30-vjeçari ka një entuziazëm të madh në fushë dhe e gjithë kjo mund të shpërblehet me një rikthim sensacional te Tottenham.
Me Spursat, Eriksen u bë një yll edhe pse nuk arriti të fitonte një trofe të rëndësishëm duke u larguar më pas te Interi ku fitoi titullin me Conten.
Është pikërisht trajneri italian që ka dhënë “ok” për ta rikthyer benjaminin e tifozëve në Londër aty ku në 6 vjet e gjysmë, shënoi 69 gola dhe dhuroi 90 asiste.
Është një lojtar që jep garanci dhe për më tepër, Conte kërkon eksperiencë që Eriksen e ka ndërsa për klubin nuk do të kishte asnjë shpenzim financiar duke qenë lojtar i lirë në fund të sezonit aktual me Brentford./Ora News/.
