25 gra dhe vajza ukrainase thonë se janë përdhunuar nga trupat ruse në Bucha
Nga OraNews Përditësimi i fundit 6 Prill 2022, 17:55
Njëzet e pesë gra dhe vajza kanë thënë se janë përdhunuar nga forcat ruse në Bucha, ka thënë një zyrtar i lartë ukrainas për BBC.
Lyudmyla Denisova, Komisionerja për të Drejtat e Njeriut në Parlamentin ukrainas, tha se një linjë telefonike që ofron mbështetje në Ukrainë, kishte marrë të paktën 25 raporte për përdhunim të grave dhe vajzave të moshës 14 deri në 24 vjeç nga ushtarë rusë.
Ajo tha se Ukraina kishte prova të "gjenocidit të popullit ukrainas" dhe të krimeve ushtarake.
Denisova shtoi: Gjithsej ishin 25 gra të moshës 14-24 vjeç që u përdhunuan nga ushtarët rusë. Kjo po ndodh për rreth një muaj. Ne do të vazhdojmë t'i dokumentojmë këto krime të tmerrshme,dhe çdo kriminel do të dënohet."
Ndërkohë nga ana tjetër, Rusia ka mohuar kryerjen e mizorive në Bucha.
