Hungari: Orban shpall fitoren në zgjedhjet parlamentare, në rrugën e duhur për mandatin e katërt
Nga OraNews Përditësimi i fundit 4 Prill 2022, 08:20
Kryeministri Viktor Orban shpalli fitoren në zgjedhjet parlamentare të Hungarisë pasi rezultatet e pjesshme treguan se partia e tij në pushtet Fidesz është përpara rivalëve të tyre opozitarë.
Kryeministri hungarez Viktor Orban shpalli fitoren të dielën pasi rezultatet e parakohshme në zgjedhjet kombëtare të vendit treguan një epërsi të fortë për partinë e tij të krahut të djathtë Fidesz.
Me 75% të votave të numëruara, koalicioni i udhëhequr nga Fidesz i Orban kishte fituar 54.5% të votave kundrejt 34% për një aleancë opozitare me gjashtë parti.
Rezultatet paraprake treguan se Fidesz mori 135 vende në parlamentin 199-vendësh të Hungarisë, ndërsa opozita do të merrte 57 vende.
Aleanca opozitare, "Bashkë për Hungarinë", më vonë pranoi humbjen.
Orban në rrugën e duhur për mandatin e katërt
Duke folur me mbështetësit dhe zyrtarët e partisë të dielën në mbrëmje, Orban i shpalli zgjedhjet si një "fitore të madhe" për Fidesz.
Çfarë thotë opozita?
Marki-Zay akuzoi Orbanin se mban anën e Putinit në konflikt dhe tha se lëvizjet e kryeministrit e kishin lënë atë të izoluar brenda BE-së, me të cilën Orban gjithsesi ka qenë shpesh në mosmarrëveshje.
Udhëheqësi i opozitës e akuzoi Orbanin për kthimin e Hungarisë drejt Rusisë dhe largimit nga BE-ja.
Sipas Marki-Zay, Orban ka minuar të drejtat demokratike dhe ka mbikëqyrur korrupsionin e shfrenuar qeveritar në proces.
Orban, i cili e sheh veten si një avokat të "demokracisë joliberale", ka marrë kontrollin e shumë prej institucioneve demokratike të vendit të tij, ndërsa pretendon se po mbron të ashtuquajturin krishtërim evropian kundër migrantëve myslimanë, tendencave progresive dhe "lobit LGBTQ". Këto qëndrime e kanë futur shpesh në konflikt me BE-në.
