Savra, kryqëzim aksidentesh, rrethrrotullimi “njollë e zezë” në autostradën Lushnje-Fier
Nga Julian Kasapi Përditësimi i fundit 16 Mars 2022, 13:43
Kryqëzimi i Savrës në autostradën Lushnje-Fier është një prej "njollave të zeza" të aksidenteve në aksin nacional.
Më i fundit u shënua mëngjesin e së mërkurës, 16 mars, kur një kamion u përplas me një veturë.
Fatmirësisht nuk pati pasoja në njerëz, por dëme materiale dhe vështirësi në qarkullimin e mjeteve për disa minuta.
Shkaqet e aksidentit ndërkohë janë nën hetim nga një grup i posaçëm i ngritur nga ekspertët e policisë nën drejtimin e prokurorisë Lushnje.
Mungesa e rrugëve dytësore paralel me autostradën Fier-Lushnje është një prej shkaqeve kryesore të aksidenteve në këtë aks kombëtar.
Të paktën 8 aksidente janë shënuar në segmendin Lushnje-Fier në tre muajt e parë të vitit 2022.
