Fotot satelitore tregojnë shkatërrimin e zonave të banuara në Mariupol
Nga OraNews Përditësimi i fundit 12 Mars 2022, 22:06
Fotot satelitore të marra të shtunën nga një kompani private amerikane kanë treguar dëme të mëdha në infrastrukturën rezidenciale dhe civile në qytetin juglindor të Ukrainës, Mariupol.
Maxar Technologies tha se zjarret u panë në seksionin perëndimor të qytetit port dhe dhjetëra ndërtesa të larta apartamentesh ishin dëmtuar rëndë nga bombardimet ruse.
Të paktën 1,582 civilë në Mariupol janë vrarë si rezultat i bombardimeve ruse, tha të premten këshilli i qytetit.
BBC nuk mund ta verifikojë në mënyrë të pavarur këtë shifër.
Të shtunën, Rusia pretendoi se kishte pushtuar zona në periferi të qytetit, por ministri i Jashtëm ukrainas Dmytro Kuleba ka thënë se qyteti mbetet nën kontrollin e Kievit.
Mariupol ndodhet në një pozicion strategjik në bregun e Detit të Zi, duke penguar forcat ruse në Ukrainën lindore që të formojnë një urë tokësore.
