Biden: Putin kurrë nuk do të fitojë në Ukrainë, gazi dhe nafta do të rriten në SHBA

Nga OraNews Përditësimi i fundit 8 Mars 2022, 17:58

Presidenti amerikan Biden thotë se vendimi për të ndaluar importet e naftës ruse është marrë në konsultim të ngushtë me aleatët.

Duke folur në Shtëpinë e Bardhë, presidenti tha se pret që çmimet e gazit të rriten pas lëvizjes, por u kërkon firmave të naftës që të mos përfshihen në rritje të tepërta të çmimeve.

"Do të ketë kosto edhe këtu në Shtetet e Bashkuara," thotë ai, por thotë se ky është çmimi që duhet paguar për "mbrojtjen e lirisë".

Biden tha se presidenti rus Vladimir Putin duket se është i vendosur të vazhdojë rrugën e tij vrastare, pavarësisht nga kostoja.

Por ai thotë se Ukraina "nuk do të jetë kurrë një fitore për Putinin".