Furnizimet e para mjekësore mbërrijnë në Kiev nga Mjekët pa Kufij
Nga OraNews Përditësimi i fundit 6 Mars 2022, 19:05
Dërgesa e parë e furnizimit mjekësor nga Mjekët pa Kufij ka mbërritur në Kiev, tha organizata ndërkombëtare humanitare në një deklaratë.
Furnizimet përfshijnë komplete kirurgjikale, komplete traumatike, medikamente për sëmundjet kronike dhe pajisje për viktima masive.
Ato do t'u dhurohen spitaleve lokale në qytet dhe në qytete të tjera më në lindje të Ukrainës.
"Ishte urgjente për ta bërë këtë shpejt," tha Christopher Stokes, Koordinatori i Emergjencave të MSF në Ukrainë.
“Ne mund të jemi në një garë me kohën këtu – nuk kemi siguri se sa kohë do të jetë e mundur aksesi me tren në Kiev. Ne zgjodhëm të shkonim me opsionin e trenit për arsye të shpejtësisë dhe kapacitetit të lartë të volumit,” shtoi ai.
