Shqetësim global, rusët kontrollojnë centralin bërthamor të Zaporizhzhias pas bombardimeve

Nga Amado Çela Përditësimi i fundit 4 Mars 2022, 08:52

Termocentrali më i madh i Evropës në Ukrainë është përfshirë nga flakët gjatë orëve të para të së premtes si pasojë e bombardimeve nga ushtria ruse, ekipi i emergjencave ukrainase ka bërë të mundur shuarjen, por termocentrali është nën kontrollin e rusëve. 

Ushtria ruse ka marrë nën kontroll termocentralin bërthamor të Zaporizhjas.

Termocentrali i Zaporizhja i cili është edhe më i madhi në Evropë u përfshi nga flakët në orët e para të së premtes.

Ukrainasit akuzuan ushtrinë ruse se kishte grasatuar centralin duke shkaktuar edhe flakët e cila alarmoi Evropën dhe perëndimin.

Personeli i stacionit vazhdon të punojë dhe të monitorojë gjendjen e njësive të energjisë, tha ai.

Një zjarr shpërtheu në centralin bërthamor më herët, më i madhi në Evropë, pas bombardimit nga forcat ruse.

Presidenti ukrainas Vollodimir Zellenski u bëri thirrje vendeve perëndimore që të zgjohen dhe të ndërmarrin më shumë veprime kundër terrorit bërthamor të Vladimir Putinit.

Zelenski u shpreh termocentrali i Zaporizhjas mund të shkaktonte një katastrofë si ajo e Çernobilit në 1986, duke akuzuar Rusinë si shtetin e parë në histori që bombardon një termocentral bërthamor.

Sekretarja amerikane e Energjisë, Jennifer Granholm shkroi në Twitter se aktivizoi Ekipin Amerikan të Reagimit ndaj Incidenteve Bërthamore.

Ajo e quajti sulmin ndaj termocentralit si të pamatur.

Edhe kryeministri britanik e dënoi sulmin ndaj termocentralit dhe ai i tha Zelenskit se veprimet e pamatura të presidentit Putin tani mund të kërcënojnë drejtpërdrejt sigurinë e të gjithë Evropës.

Kreu i administratës shtetërore rajonale të Zaporizhjas tha se termocentrali është i sigurt.

Si pasojë e incidentit nuk u raportua për viktima, por vetëm për dëme materiale të një ndërtese pesëkatëshe pranë termocentralit e cila u përfshi nga flakët.