Gati 6000 të arrestuar në të gjithë Rusinë pas protestave kundër luftës në Ukrainë
Nga OraNews Përditësimi i fundit 27 Shkurt 2022, 21:28
Autoritetet ruse kanë arrestuar gjithsej 5,794 persona për pjesëmarrje në protesta të paligjshme kundër luftës në të gjithë vendin, që kur Kremlini urdhëroi një pushtim të Ukrainës.
Që nga ora 3 pasdite, 2,650 njerëz ishin arrestuar për protesta në 51 qytete në të gjithë vendin, raportoi OVD-Info, dhe 1,225 u arrestuan vetëm në Moskë.
Sipas ligjit rus, demonstratat e mëdha kërkojnë që protestuesit të aplikojnë për një leje, e cila duhet të dorëzohet jo më shumë se 15 ditë para, por jo më pak se 10 ditë përpara ngjarjes.
Gjoba të rënda - dhe në disa raste edhe burg - mund të vendosen për ata që protestojnë pa leje.
Individëve u lejohet të organizojnë protesta solo, të vetme, por është raportuar edhe që njerëzit të ndalohen për veprime të tilla.
Të enjten, Komiteti Hetues i Rusisë paralajmëroi se pjesëmarrja në çdo protestë kundër luftës ishte e paligjshme.
Në deklaratë u tha gjithashtu se akuza penale mund të futeshin në të dhënat kriminale të pjesëmarrësve, të cilat do të lënin gjurmë në të ardhmen e personit.
