Eurodeputetja gjermane: Serbia të dënojë pushtimin rus në Ukrainë, koha e uljes në 2 karrige ka mbaruar
Nga OraNews Përditësimi i fundit 25 Shkurt 2022, 17:08
Eurodeputetja gjermane Viola von Cramon ka kërkuar nga Serbia të pozicionet qartë për pushtimin rus të Ukrainës.
Në një postim në rrjetet sociale ajo shkruan se "është koha e duhur që qeveria serbe dhe presidenti serb të dënojnë publikisht pushtimin rus në Ukrainë".
Sipas saj, koha e uljes në dy karrige për Serbinë ka mbaruar.
Ajo nënvizon se mosangazhimi me të gjithë Evropën për këtë çështje do ta vendosë Serbinë në izolim.
Presidenti i Serbisë, Aleksandër Vuçiç pritet që të dalë sot në një adresim publik ku do të mbajë një qëndrim lidhur me situatën në Ukrainë.
Reagimi i Vuçiç vjen pas presionit të perëndimit e kryesisht nga Departamenti i Shtetit dhe Bashkimi Evropian, pasi ishte ndër liderët e vetëm në Ballkan, por edhe në Evropë që ende nuk kishte mbajtur një qëndrim lidhur me pushtimin e Ukrainës nga Moska.
Vuçiç, i cili njihet për aleancën e konsoliduar që ka me presidentin e Rusisë Vladimir Putin do të duhet t’i dalë kundër, për të qëndruar në rrugën e Serbisë drejt BE-së, ose të aprovojë pushtimin e Ukrainës dhe të mbyllë kapitullin e perspektivës evropiane të vendit.
It is high time for @SerbianGov and @predsednikrs to publicly condemn the #Russian #invasion in #Ukraine ????????.
— Viola von Cramon (@ViolavonCramon) February 25, 2022
Time of sitting on two chairs is over.
Non-alignment with the whole of #Europe ???????? on this will put #Serbia in self-isolation. https://t.co/wojB7ymG3L
