Ambasada amerikane po ju vëzhgon: 4 pyetje për kandidatët e zgjedhjeve të 6 Marsit
Nga OraNews Përditësimi i fundit 21 Shkurt 2022, 09:46
Ora 11:28 Jo vetëm Sali Berisha
Gjysmë orë pas publikimit të mesazhit për kandidatët e 6 marsit, ambasadorja Yuri Kim në një komunikim të dytë në Twitter kujton se nuk është vetëm Sali Berisha i shpallur "non grata" nga SHBA
"Kujtesë: Shtetet e Bashkuara kanë përcaktuar publikisht katër persona në Shqipëri sipas Nenit 7031(c)".
Ambasadorja Yuri Kim në një komunikim të dytë kujton se në Shqipëri janë 4 politikanë të shpallur "non grata" nga SHBA.
Politikanët e shpallur "non grata"
14 shkurt 2018- u shpall "non grata" ish-Prokurori i Përgjithshëm Shqiptar Adriatik Llalla për shkak të përfshirjes së tij në korrupsion.
16 prill 2018- u shpall "non grata" Tom Doshi, bashshortja dhe fëmijët e tij
30 korrik 2019- u shpall "non grata" kryetari i Bashkisë së Durrësit asaj kohe Vangjush Dako dhe familja e tij. Shkak mbetej sërish përfshirja e këtij zyrtari të lartë në korrupsion.
19 maj 2021- u shpall "non grata" Sali Berisha
"Kujtesë: Shtetet e Bashkuara kanë përcaktuar publikisht katër persona në Shqipëri sipas Nenit 7031(c)". @USAmbAlbania Yuri Kim https://t.co/G61cK53cFe
— USEmbassyTirana (@USEmbassyTirana) February 21, 2022
Ora: 09:46 Ambasada amerikane po ju vëzhgon: 4 pyetje për kandidatët e zgjedhjeve të 6 Marsit
Ambasadorja amerikane Yuri Kim po ndjek me vëmendje fushatën zgjedhore të 6 marsit. Përmes një postimi në twitter, në formën e 4 pyetjeve, ajo u tërheq vëmendjen kandidatëve.
Pyetje për kandidatët:Nëse mbështetësi juaj kryesor është dikush i përcaktuar publikisht nga Shtetet e Bashkuara të Amerikës për korrupsion madhor, çfarë po u premtoni votuesve saktësisht?
"Kush do t'ju zotërojë nëse fitoni dhe çfarë do t'i detyroheni atyre? Çfarë duhet të presin shqiptarët? Çfarë duhet të presin Shtetet e Bashkuara?"
Edhe pse kandidatët për 6 bashkitë janë prezantuar prej ditësh, zyrtarish fushata zgjedhore është çelur më 19 shkurt. Basha dhe Berisha do të përballen me njëri-tjetrin për të fituar mbështetjen e demokratëve, ndërsa Edi Rama do të kërkojë të përfitojë nga përçarja e opozitës.
Në 6 bashkitë, Durrës, Shkodër, Dibër, Vorë, Lushnje dhe Rrogozhinë zhvillohet fushata zgjedhore për të kërkuar votat e qytetarëve në 6 mars.
Partia Socialiste më në krye Edi Ramën do të ketë përballë 2 ekipe të demokratëve, Lulzim Bashën me kandidatët e tij dhe ish kryeministrin Berisha me të zgjedhurit nga primarët e 31 janarit.
Questions for candidates: If your main sponsor is someone designated by the US for significant corruption, what exactly are you promising voters? Who will own you if you win and what will you owe them? What should Albanians expect? What should the US expect?
— Ambassador Yuri Kim (@USAmbAlbania) February 21, 2022
