Video/ Nxënësit e shkollës së mesme i vërsulen mësuesit, i thyejnë krahun
Nga OraNews Përditësimi i fundit 14 Shkurt 2022, 22:57
Një mësues fizike në Teksas u ndoq dhe u rrah nga një grup nxënësish të shkollës së mesme të cilët i thyen krahun në sulm, sipas një video të filmuar gjatë sherrit.
Sulmi ndodhi në shkollën e mesme Langham Creek në Hjuston të enjten, 10 shkurt kur studentët nga Aragon Middle School sulmuan ndihmës trajnerin e bejsbollit dhe mësuesin e fizikës së shkollës së mesme Michael Shott gjatë një praktike bejsbolli, sipas raporteve.
Videoja e filmuar me celular u postua në mediet sociale dhe tregon Shott duke u larguar me shpejtësi nëpër parkingun e shkollës së mesme, duke u përpjekur të shmangë disa studentë të cilët po e ndiqnin.
Në një moment nxënësit e arrijnë dhe e rrëzojnë përtokë, para se ai të ngrihet sërish dhe të vrapojë në një zonë të parkingut larg tyre.
Nëna e Shotit, Peggy Shott, tha për KTRK se djali i saj si pasojë e sulmit pësoi një thyerje të krahut.
“Ai është mirë, është në shtëpi. Ai ka një krah të thyer", tha ajo.
Katër studentë të përfshirë në sulm u morën në paraburgim dhe do të disiplinohen sipas kodit të sjelljes, thanë zyrtarët e qarkut në një letër drejtuar prindërve.
Është e paqartë nëse të miturit do të përballen me akuza për goditjen.
