“Të prekim dhimbjen e tjetrit” Intervista historike e Papa Françeskut: Kur isha i vogël doja të bëhesha...
Nga OraNews Përditësimi i fundit 7 Shkurt 2022, 10:26
Në një intervistë ndryshe nga te tjerat në emisionin "Che Tempo che fa", Papa Françesku zbuloi aspekte të panjohura për të, duke folur për jetën e tij para dhe pas shugurimit.
Intervista e transmetuar në televizionin italian RAI u cilësua historike. Gjatë rrëfimit për jetën e tij ai tha se në fëmijëri dëshironte të bëhej kasap dhe se kur ishte në shkollë lëndët e tij të preferuara ishin kimia dhe biologjia.
"Por pastaj erdhi thirrja e Zotit", tha ai.
Papa u shpreh kundër "kulturës së indiferencës" dhe ndarjes së njerëzve në kategori të ndryshme.
"Nëse shitja e armëve në mbarë botën ndalet për një vit, ne mund të ushqejmë të uriturit, të dërgojmë fëmijë nga e të gjithë botës në shkollë," këmbënguli ai.
Françesku theksoi se "lufta është në kontrast të plotë me veprën krijuese të Zotit, ajo është gjithmonë shkatërruese".
“Emigrantin duhet ta mirëpresim, ta shoqërojmë dhe ta integrojmë në shoqëri. Asnjëherë nuk duhet paragjykuar”, tha Papa në televizionin RAI.
"I vetmi kundërhelm ndaj indiferencës," vuri në dukje ai, "është të ndjesh dhe të prekësh dhimbjen e tjetrit, siç bëri samariti i mirë."
Gjithashtu Papa tha se i pëlqen muzika klasike dhe tango, të cilat i kërcente kur ishte i vogël. "Kushdo që nuk kërcen tango nuk është një banor i vërtetë i Buenos Aires," shpjegoi ai.
Papa shprehu shqetësimin e tij për rritjen e vetëvrasjeve të të rinjve, por edhe frikën që ngjall bulling ndaj fëmijëve dhe adoleshentëve. Ai u bëri thirrje besimtarëve që t'u thonë "jo" komenteve dhe thashethemeve të egra, të cilat "shkatërrojnë vetë entitetin njerëzor".
Duke iu drejtuar prindërve, Françesku u kërkoi atyre të luajnë me fëmijët e tyre, të jenë pranë tyre dhe kur gabojnë, “të kenë një intimitet të madh me fëmijët e tyre, të rriten – pothuajse – me ta”.
Ndër te tjera Papa dënoi ngacmimet e grave, duke thënë se "ka gra që janë të detyruara të paguajnë me trupin e tyre për të ruajtur punën e tyre nën syrin vigjilent të menaxherëve të tyre".
“Të gjithë kanë të drejtë të falen për gabimet e tyre, kjo është një e drejtë që Zoti ua ka dhënë njerëzve”, tha kreu i Kishës Katolike Romake.
Kur u pyet se si e përballon dhimbjen e krijesave të pafajshme, Françesku u përgjigj spontanisht:
"Kam besim të thellë, por nuk mund të gjej përgjigje për pyetjen "pse vuajnë fëmijët?" Ai shtoi: “Ka vetëm një mënyrë: të vuash me ta. Ajo që shkroi Dostojevski është gjithashtu e rëndësishme. "Lutu për mua"
“Papa i të varfërve” vlerësoi njerëzit që arrijnë të jenë mendjemprehtë, “sepse, në këtë mënyrë, problemet duken më të menaxhueshme dhe njeriu arrin të zbulojë gëzimin tek vetja”.
"Lutu për mua. Dhe ju që nuk luteni, më dërgoni mendime pozitive, valë pozitive”, u bëri thirrje Papa Françeskut të gjithë atyre që morën pjesë në intervistë.
