Vranë dhe hëngrën 20 njerëz, Google Maps nxjerr zbuluar “çiftin e kanibalëve”, gjen çantat plot me eshtra
Nga OraNews Përditësimi i fundit 7 Shkurt 2022, 08:15
Çanta plot me pjesë trupi të hedhura nga vrasësi serial kanibal Juan Carlos Hernández janë zbuluar në Google Maps.
Faqja @googlemapsfun në TikTok ndau një video të çiftit meksikan në Ecatepec de Morelos, Meksikë, ku Juan Carlos Hernández dhe gruaja e tij Patricia Martínez hidhnin trupat e viktimave të tyre gjatë vrasjeve nga vitet 2012 deri në 2018.
Patricia i joshte viktimat, të cilat zakonisht ishin gra të reja, përpara se t'i bindte të shkonin në shtëpinë e saj për t'u shitur atyre produkte të tilla si veshje ose parfum.
Çifti kanibal u dënua për përdhunimin, prerjen e kokës dhe copëtimin e trupave të deri 20 njerëzve në banjën e tyre përpara se të gatuanin një pjesë të mishit të tyre.
Dyshja, e cila u bë e njohur si "Përbindëshat e Ecatepec", thuhet se ushqeu qentë me zemrat e viktimave.
Më pas ata grumbullonin eshtrat e viktimave përpara se t'i transportonin me një karrocë fëmijësh në një vend buzë rrugës në Playa Pie de la Cuesta.
Çantat e trupit mund të shihen ende në Google Maps të rrethuara me shirit policie.
Raportet thonë se çifti ishte dënuar më parë për trafikim njerëzor pasi shitën foshnjën e një prej viktimave të tyre, shkruan daily star.
