Nga 1 marsi doza përforcuese e vaksinës kundër Covid-19 bëhet me detyrim në këtë vend
Nga OraNews Përditësimi i fundit 22 Janar 2022, 16:16
Belgjika është vendi që do të bëjë dozën përforcuese të vaksinës kundër Covid-19 të detyrueshme. Kjo masë do të vlejë që prej 1 marsit për të gjithë personat mbi 18 vjeç, njoftojnë autoritetet vendase.
Vaksinimi me dozën përforcuese duhet të bëhet 5 muaj pas dozës së dytë, në mënyrë që certifikata e vaksinimit të jetë e vlefshme.
Ndërkohë mësohet se 53% e popullsisë belge (6 milionë qytetarë) kanë bërë dozën e tretë përforcuese të vaksinës.
Sipas Komitetit Teknik të vendit, rastet dhe shtrimet në spital për shkak të variantit Omicron nuk kanë arritur ende kulmin e tyre në Belgjikë.
Megjithatë, edhe pse rastet me Covid janë të shumta, vihet re se në spitale ka një rritje të vogël të shtrimeve.
