Jay-Z dhe kolegët e tij kërkojnë që tekstet e repit të mos përdoren si prova në gjyqet penale
Nga OraNews Përditësimi i fundit 22 Janar 2022, 09:05
Jay-Z, Meek Mill, Kelly Rowland dhe Killer Mike janë ndër yjet që argumentojnë se duhet bërë një ndryshim në ligjin e Nju Jorkut që do të parandalojë përdorimin e teksteve rap si provë në gjyqet penale.
Këngëtarët, së bashku me Fat Joe, Yo Gotti, Robin Thicke dhe të tjerë, nënshkruan një letër duke u bërë thirrje ligjvënësve në shtetin e Nju Jorkut të mbështesin ndryshimin e propozuar dhe të ruajnë lirinë e shprehjes.
Projektligji "Rap Music on Trial" u paraqit për herë të parë në nëntor 2021 nga senatorët e shtetit të Nju Jorkut Brad Hillman dhe Jamal Bailey për të parandaluar prokurorët të citojnë tekste, përveç rasteve të "provave të qarta dhe bindëse" të marrëdhënies midis teksteve dhe krimit.
"E drejta e lirisë së shprehjes është e sanksionuar në kushtetutat tona federale dhe shtetërore," tha në atë kohë Jamal Bailey.
"Futja e artit si provë penale shërben vetëm për të gërryer këtë të drejtë themelore, dhe përdorimi i teksteve rap dhe hip-hop në veçanti është emblematike e racizmit sistemik që përshkon sistemin tonë të drejtësisë penale," tha ai.
"Në vend që të njohin muzikën rap si një formë të shprehjes artistike, policia dhe prokurorët argumentojnë se teksti duhet të interpretohet fjalë për fjalë - me fjalët e një prokurori, si "ditarë autobiografikë", thuhet në letër.
"Edhe pse zhanri i ka rrënjët në një traditë të gjatë e rrëfimit që favorizon gjuhën alegorike, është e mbushur me ekzagjerim dhe përdor të njëjtat mjete poetike që gjenden në veprat poetike më tradicionale".
Projektligji kaloi në një fazë fillestare në Senatin e Shtetit në fillim të kësaj jave.
