Policia e Gjirokastrës bën “namin” me gjoba, bllokohen 2 automjete
Nga OraNews Përditësimi i fundit 17 Janar 2022, 14:54
Policia e Gjirokastrës ka intensifikuar kontrollet rrugore për parandalimin e aksidenteve rrugore, evidentimin dhe ndëshkimin e drejtuesve të mjeteve që shkelin rregullat e qarkullimit rrugor.
Policia bën me dije se gjatë javës që lamë pas, si pasojë e kontrolleve të shtuara nëpër akset urbane dhe rurale të qarkut janë vendosur 401 masa administrative.
26 masa për mosvendosjen e rripit të sigurimit;
2 masa për shpejtësi mbi normën e lejuar;
160 masa për parkime të gabuara;
150 masa për parakalime të gabuara;
63 masa për shkelje të rregullave të tjera të Kodit Rrugor.
Gjithashtu janë bllokuar 2 mjete.
Policia i bën apel mjeteve dhe këmbësorëve që të respektojnë rregullat e qarkullimit rrugor dhe fton të gjithë qytetarët që të denoncojnë në 112 dhe në Komisariatin Dixhital, çdo rast të shkeljeve të rregullave të qarkullimit rrugor, duke u garantuar reagim të shpejtë dhe të paanshëm.
