"Shpejtësi mbi normat e lejuara dhe alkool" Policia u pezullon patentën 19 shoferëve, arrestohet 1 drejtues në Korçë
Nga OraNews Përditësimi i fundit 17 Janar 2022, 13:17
Policia Rrugore e Korçës ka bërë bilancin e javë së kaluar, nga ku bëhet e ditur se është arrestuar 1 drejtues mjeti për veprën penale "Drejtimi i automjeteve në mënyrë të parregullt".
Gjithashtu, janë pezulluar 19 leje drejtimi, nga të cilat:1 për drejtim mjeti nën ndikimin e alkoolit dhe 18 për shkelje të tjera.
Janë vendosur në total 521 masa administrative gjatë javës që lamë pas, të ndara si vijon:
4 masa për drejtim mjeti nën efektin e pijeve alkoolike;
4 masa për mosvendosjen e rripit të sigurimit;
5 mjete të bllokuara administrativisht;
16 masa për përdorim celulari;
21 masa për shpejtësi mbi normën e lejuar;
120 masa për parkime të gabuara;
125 masa për parakalime të gabuara;
220 masa për shkelje të rregullave të tjera të Kodit Rrugor.
Ndërkohë gjatë javës që lamë pas, në qarkun e Korçës, nuk është evidentuar asnjë aksident rrugor me pasoja për jetën.
