Vasili për Ora News: Pas 25 prillit, me ata që mbajnë vulën nuk ka komunikim
Nga OraNews Përditësimi i fundit 14 Janar 2022, 16:09
“Me ata që mbajnë vulën nuk ka komunikim” tha Petrit Vasili sot në një intervistë për Ora News, duke analizuar përplasjen brenda PD-së
“PD është sot në një problem të rëndësishëm brenda vetes shkaktuar për shkak të krizës së thellë të legjitimitetit. PD është e detyruar të zgjidhë problemet përfundimtare që të përcaktohet një rol gjithnjë e më të qartë në skenën politike. Sa më shumë qartësi në pozicionimin aq më mirë dhe organizimi në opozitë."
Afera e incineratorëve
LSI thotë se SPAK duhet t’i bëhet një presion publik përse nuk vepron për të vënë në pranga të gjithë zinxhirin e atyre që kanë firmosur në aferën e incineratorëve.
“Kemi aferë 130 milionëshe. Keni kryetarin e bashkisë së Tiranës, ministrat nga i pari tek i fundit dhe kryeministrin. Faktet janë të qarta. Puna e SPAK është lehtësuar pasi qindra dokumente janë vënë në dispozicion. Në vend të një veprimtarie të rrufeshme të këtij grupi kriminal nga ministrat tek kryeministri kemi pasivitet do të thoja e qëllimshme, dhe mosveprimi me të gjithë fuqinë e duhur dhe në kohë.”
Po pozicioni i PD-së?
Vasili thotë se “PD ka marrë një veprim shumë të dyshimtë pasi në komisionin hetimor parlamentar, Basha ka refuzuar pjesëmarrjen e LSI-së që është denoncuesja më e madhe e kësaj afere, dhe ku kallëzimet dhe denoncimet vunë në lëvizje SPAK. Refuzimi flet qartë pozicionimin e këtyre personave në PD sepse në të kundërt të gjithë do të mirëprisnin që një forcë politike të ishte në krye të tavolinës . Diçka është e fshehur që refuzojnë LSI.”
