Tensionet në PD, Rama: E rëndë për Shqipërinë, miq të huaj më morën e më pyetën a është e vërtetë
Nga OraNews Përditësimi i fundit 9 Janar 2022, 12:10
Edi Rama, është shprehur se ngjarje e ndodhur ditën e djeshme në protestën para selisë së PD, ishte shumë e rëndë.
Në një bashkëbisedim online me domokratët Rama u shpreh se 3-4 miq e kanë marrë në telefon dhe e kanë pyetur nëse është e vërtetë tensionet e krijuara mes demokratëve.
Më tej kreu i qeverisë tha se nuk ka ndodhur kurrë më parë që të sulmohet me dhunë selia e partisë së opozitës nga vetë mbështetësitë e saj.
Edi Rama: Sot është një komunikim që i adresohet demokratëve. Ajo që ndodhi dje ishte një ndodhi shumë e rëndë për demokratët, ishte e rëndë dhe për vetë Shqipërinë. 3-4 miq të huaj më kanë marrë të habitur për të më pyetur se a është e vërtetë se është sulmuar selia. Ishte një lajm befasues sa i rëndë dhe qesharak për një vend demokratik.
Të sulmohet me dhunë selia e partisë së opozitës nga vetë mbështetësit e saj. Është diçka e pandodhur kurrë në historinë e botës demokratike. Një zhvillim i kësaj natyre godet vendin, godet shoqërinë dhe kulturën politike.
