Dikur urimet përcilleshin me një kartolinë, tani urime copy-paste në rrjete sociale
Nga OraNews Përditësimi i fundit 31 Dhjetor 2021, 19:29
Viti i Ri dhe festat i afrojnë më shumë njerëzit përmes urimeve dhe ndarjes së momenteve së bashku në punë, shoqëri dhe familje.
Atmosfera bëhet më festive nga dhuratat apo dërgimi i urimeve përmes formave të ndryshme. Dikur mesazhet për ndërrimin e viteve dërgoheshin nëpërmjet kartolinave të vogla 5 lekëshe me anë të postës.
Po tani a vijon të ruhet kjo traditë në kushtet kur ekziston internet, rrjetet sociale dhe komunikimi me kamera?
Po, kanë mbetur dhe disa njerëz që edhe pse numri vit pas viti redukutohet ende dërgojnë kartolina.
Në fund të fundit festa nuk do kishte të njëjtin kuptim pa kartolina dhe dhurata.
Pak rëndësi ka sa shpenzon dhe çfarë dhuron e rëndësishme është dhurimi I emocioneve të bukura njerëzve të zemrës.
Megjithatë kohët kanë ndryshuar dhe formën e të thënit “Gëzuar!”
Tashmë në shumicën e rasteve urimet ndoshta dhe me raste copy-paste dërgohen me e-mail apo rrjetet e tjera sociale ,duke humbur kështu emocionet e kartolinave të dikurshme.
Për disa kartolina e fundit e dërguar është aq e largët në kohë sa nuk e mbajnë mend kur e kanë dërguar?”
Apo e kujtojnë me shumë vështirësi.
Dikush më shumë e tjetërkush me më pak shpenzime ,por dhuratat në të shumtën e rasteve nuk do mungojnë.
Poeti dhe autori i shumë teksteve të famshme këngësh Agim Doçi ,në një intervistë për Ora Neës ndan kujtimet dhe ndjesitë e bukura sa nga eksperienca dhe karriera e tij ,e sa nga kartolinat e dikurshme që ngjallin nostalgji.
Emocioni i vrapimit për te kutia postare dhe për të marr kartolinën e Vitit të ri është shuar pothuajse, por sillet në memorien e gjithsecilit si moment i paçmuar.
Pavarësisht kënaqësisë, emocionit, nostalgjisë së dikurshme urimi mbetet i njëjtë, për sa më shumë lumturi e shëndet në familjet tuaja.
Edhe stafi i RTV Ora dhe Ora Neës iu përcjell urimet më të mira dhe sa më shumë mbarësi.
