Berisha: Nuk jam kundër marrëveshjeve, por Basha është treguar sylesh ndaj Ramës, është i kapur
Nga OraNews Përditësimi i fundit 28 Dhjetor 2021, 21:34
I ftuar në “Ora e Betit” nga Beti Njuma në RTV Ora, ish-kryeministri Sali Berisha u shpreh se do të jetë në politikë aktive aq sa mbështetet nga PD-ja dhe qytetarët shqiptarë.
Ai tha se nuk është kundër marrëveshjeve qeveri-opozitë, por kur ato sjellin fitore, ndryshe nga Basha që ka shënuar vetëm humbje.
Berisha: Unë e shoh veten në politikë aktive aq sa mbështetet nga PD-ja dhe qytetarët shqiptarë. Gjithçka do të përcaktohet nga vullneti i lirë i demokratëve dhe qytetarëve. Qëllimi i kësaj lëvizje ishte t’i japim vendin një opozitë të vërtetë, jo opozitë që bën vetëm protesta.
Nuk jam kundër marrëveshjeve, por ato duhet të jenë të hapura. Por opozita e Bashës ka humbur gjithmonë. Unë nuk mund ta akuzoj Ramën, sepse nëse tregohesh sylesh, atëherë ke arsyet e tjera që bën lojën e Ramës. Ai është i kapur me dosje dhe me drejtësinë. Unë kam mësuar këto muaj më shumë për Bashën se sa për 8 vite.
