Gatimi i Senegalit në UNESCO, pjata tradicionale "Oriz me peshk" në listën e trashëgimisë kulturore
Nga Besmira Pelushaj Përditësimi i fundit 16 Dhjetor 2021, 11:13
UNESCO ka shtuar në listën e trashëgimisë kulturore një nga gatimet kombëtare të Senegalit, një pjatë me oriz dhe peshk. Pjata shpesh përgatitet me perime të tilla si kasava ose domate dhe shërbehet në drekë. Receta dhe teknikat tradicionalisht janë ruajtur nga nëna te bija.
Agjencia kulturore e Kombeve të Bashkuara, UNESCO ka shtuar në listën e trashëgimisë kulturore gatimin tradicional të Senegalit, një pjatë me oriz dhe peshk të quajtur "thiebou dieune". Pronarja e restorantit Dakar Thiane Ngom thotë se kjo "e bën shumë krenare".
"Thiebou dieune" do të thotë "oriz me peshk" në gjuhën dominuese Wolof të Senegalit. Shpesh përgatitet me perime të tilla si kasava ose domate dhe shërbehet në drekë.
Qyteti verior Senegalez i Saint-Louis besohet të jetë vendlindja e këtij gatimi kombëtar. Qyteti, qendra e vjetër e të cilit është në vetvete një vend i Trashëgimisë Botërore të UNESCO-s, kufizohet me Oqeanin Atlantik dhe ka një komunitet të lulëzuar peshkimi.
“Receta dhe teknikat tradicionalisht kalojnë nga nëna te bija”, deklaroi UNESCO, duke shtuar se ushqimi brez pas brezi hahet me duar.
Thiebou dieune, i shkruar gjithashtu "Ceebu jen" në Wolof , i bashkohet artikujve të tjerë të lidhur me ushqimin në listën e UNESCO-s, si arti i napolitan i “Picës" dhe kultura “kuskus” në Mauritani, Marok, Algjeri dhe Tunizi.
