Itali/ 1000 euro gjobë kush nuk ka certifikatë vaksinimi kundër Covid ose test negativ në transportin publik

Nga OraNews Përditësimi i fundit 30 Nëntor 2021, 07:33

Një gjobë prej 600 deri në 1.000 euro do tu vendoset nga 6 dhjetori  udhëtarëve italianë, të cilët do të kapen pa certifikatë vaksinimi kundër Covid-19, apo test negativ në mjetet e transportit publik.

Vendimi është marrë mbrëmjen e së hënës, 29 nëntor nga qeveria e Mario Draghit, ndërsa Italia po lufton përhapjen  e mutacionit Delta, teksa ka regjistruar dhe  rastin e parë të variantit Omicron.

Inspektimet në mjetet e transportit publik do të kryhen jo vetëm nga inspektorët e posaçëm, por edhe nga punonjës policie, karabinierë, si dhe burra e gra të policisë financiare italiane.

Ministrja italiane e Punëve të Brendshme, Luciana Lamorgeze , bëri thirrje gjithashtu për bashkëpunim efikas të të gjitha shoqatave tregtare të vendit në mënyrë që zbatimi i masës të jetë i rreptë, duke mos lejuar  asnjë  hapësirë për korrupsion dhe manipulime.